2011, ഓഗസ്റ്റ് 20, ശനിയാഴ്‌ച

ഒരു ലക്ഷം രൂപ ലാഭമുണ്ടാക്കാന്‍...

ഒന്നാമന്‍ : എടെ ഞാന്‍ കഴിഞ്ഞ ആഴ്ച ഒരു ലക്ഷം രൂപ ലാഭമുണ്ടാക്കിയെടെ.
മറ്റവന്‍:ഷെയര്‍ ആണെങ്കില്‍ ഇടിഞ്ഞു നില്‍ക്കുന്നു.ഡോളര്‍ ആടികളിക്കുന്നു.പിന്നെ രണ്ടാമതും സാമ്പത്തികമാന്ദ്യം വരാന്‍പോകുന്നെന്നു പറയുന്നു.നീയെങ്ങിനെയാടാ ലാഭമുണ്ടാക്കിയത്? സ്വര്‍ണം ???

ഒന്നാമന്‍:ഞാന്‍ കഴിഞ്ഞയാഴ്ച ഒരു പെണ്‍കുട്ടിയെ പ്രൊപ്പോസ് ചെയ്തു.
മറ്റവന്‍:ഓഹോ മനസിലായി.അവള്‍ അവളുടെ അപ്പനോട് പറഞ്ഞു നീ ഒഴിഞ്ഞു പോകാന്‍ ഒരു ലക്ഷം തന്നായിരിക്കും.

ഒന്നാമന്‍:അല്ലടെ.അവള് നോ പറഞ്ഞു.എങ്ങാനും യെസ് പറഞ്ഞിരുന്നെങ്കില്‍,അടുത്ത കൊല്ലം ഈ സമയത്ത് മാത്രം കെട്ടാന്‍ ഉദ്ദേശിക്കുന്ന ഞാന്‍ ഒരു കൊല്ലം അവളെ മേയ്ച്ചുകൊണ്ട് നടക്കാന്‍ വേണ്ട ഒരു ലക്ഷമല്ലേ ലാഭിച്ചത്.ഒടുക്കലത്തെ തീറ്റിയാണ് എന്നാ കേട്ടത്.അവളെ വീട്ടില്‍ കൊണ്ട് വിടാന്‍ വേണ്ട പെട്രോള്‍.പിന്നെ ഓണം,ക്രിസ്മസ്,അവളുടെ ബര്‍ത്ത്ഡേ ,എന്റെ ബര്‍ത്ത് ഡേ, ഫെബ്രുവരി 14 ഒന്നും പോരാഞ്ഞ് 52 ഞായറാഴ്ചകള്‍!!!മല പോലെ വന്നത് മഞ്ഞു പോലെ പോയി.

ഇത് വായിച്ചു ഇതില്‍ വല്ല തെറിയും കമന്റ്‌ ചെയ്‌താല്‍ ,താഴേക്കാട് മുത്തപ്പനാണ് സത്യം ഞാന്‍ അത് ഡിലീറ്റ് ചെയ്യും.

മുന്‍ഷിയില്‍ ആണ് ഇത്  വരുന്നതെങ്കില്‍ ഒരു വരി കൂടി ചേര്‍ക്കാമായിരുന്നു.
"കിട്ടാത്ത മുന്തിരി പുളിക്കും".

1 അഭിപ്രായം:

സുഗീഷ്. ജി|Sugeesh.G പറഞ്ഞു...

ചിന്തനീയം !!! ദീർഘദർശി.