അവന് അവളെ ആദ്യം കാണുമ്പോള് അവള് ഷാളില്ലാത്ത ഒരു മെറൂണ് നിറത്തിലുള്ള
ചുരിദാര് ആണ് ധരിച്ചിരുന്നത്.ഓഫീസില് നിന്നും
ഇറങ്ങുംപോഴേക്കും കരുവാളിച്ച മുഖമാകുന്ന അവളെ
മറ്റെല്ലാവരേയും പോലെ ഒരുത്തി
എന്നുമാത്രമാണ് അവന് കരുതിയിരുന്നത്.
കാന്റീനില് ഇരുന്ന് വെട്ടിവിഴുങ്ങുന്നത് കണ്ടപ്പോള് അവന് മനസില് പറഞ്ഞു.ചുമ്മാതല്ല ഇത്ര തടി .തിന്നുണ്ടാക്കിയതാ.കെട്ടുന്നവന്റെ കഷ്ടകാലം.
പക്ഷേ പിന്നെ എപ്പോഴാണ് അവള് അവന് പ്രിയപ്പെട്ടതായത്.
കാലം...അതേ ആ നീണ്ട ഒന്നര വര്ഷം.ഇടതടവില്ലാത്ത ഒന്നര വര്ഷത്തെ നിരീക്ഷണം.അവളുടെ ഡീസന്റ് ആയ ഡ്രെസ്സിംഗ്,നടത്തത്തിലെ കുലീനത,തറവാട്ടില് പിറന്ന പെരുമാറ്റം, നോക്കുമ്പോള് നാണത്താല് കുനിയുന്ന അവളുടെ മുഖം,പാതി വിടരുന്ന ഉണ്ടക്കണ്ണുകള്,ക്ലോക്കിലെ പെന്ഡുലം
പോലെ ആടുന്ന മുന്പിലെ മുടി ഇവയില് ഏതാണ് അവന്റെ ഹൃദയം കവര്ന്നത്.അത് ഇന്നും അവന്റെ മുന്പില് ഒരു പ്രഹേളികയായി തുടരുന്നു.പക്ഷേ അവന് ഒന്നറിയാം.ഈ കുട്ടി തനിക്കു ചേരും.
അങ്ങനെ അവന് അന്വേഷണം ആരംഭിച്ചു.കുട്ടി മദ്ധ്യകേരളത്തിലെ ഒരു നസ്രാണി കുടുംബത്തില് നിന്നാണ്.കേരളത്തില് ബിടെക് പഠിച്ചതാണ്.തിരുവനന്തപുരത്ത് ട്രെയിനിങ് കഴിഞ്ഞു അറിയപ്പെടുന്ന ഒരു ഐടി കമ്പനിയില് ടെസ്റ്റിങ്
ഡിപ്പാര്ട്ട്മെന്റില് ജോലിയുണ്ട്.
തന്റെ
കൂടെ വര്ക്ക് ചെയ്യുന്ന പലരും അവള് പഠിച്ച അതേ കോളേജിലാണ് പഠിച്ചത്..എല്ലാവര്ക്കും അവളെ കുറിച്ച് നല്ല അഭിപ്രായം.ഇടക്കിടെ അവള് വരുന്നത് കാറോടിച്ചാണോ എന്നൊരു
സംശയം ഇല്ലാതില്ല.അങ്ങനെയാണെങ്കില്
തന്റെ റേഞ്ചില് ഉള്ളതല്ലേ എന്നൊരു സംശയവും.
പക്ഷേ
അങ്ങനെയൊക്കെയാണെങ്കിലും അവള് അവന്റെ മനം കവര്ന്നു.അവന് അത് അടുത്ത സ്റ്റേജിലേക്ക് കൊണ്ടുപോകാന് തീരുമാനിച്ചു.അവിടെ എല്ലാ മലയാളികള്ക്കും ഉണ്ടാകുന്ന
പൊതുപ്രശ്നം അവനും ഉണ്ടായി.മറ്റുള്ളവരുടെ
കാര്യത്തില് ചാടിക്കേറി എന്തും ചെയ്യുമെങ്കിലും അവനവന്റെ കാര്യം വരുമ്പോള് ഒരു
പെങ്കുട്ടിയോട് സംസാരിക്കാന് ഒരു സങ്കോചം.മലയാള നിഘണ്ടുവില് ഇതിന് പേടി എന്നും പറയുമത്രേ.ഓരോരോ പ്രശ്നങ്ങള്..
അങ്ങനെ അവന് ലാലേട്ടനും മറ്റും സിനിമയില് കാണിച്ചവഴികള്ത്തന്നെ
പിന്തുടരാന് തീരുമാനിച്ചു.ഒരു A4 പേപ്പറില് അവന്
എഴുതിത്തുടങ്ങി."എന്റെ കരളിന്റെ കറളായ" പക്ഷേ കരള് ആണോ കറള് ആണോ കറെക്റ്റ് സ്പെല്ലിങ്ങ് എന്നൊരു
സംശയം.ഇശ്ശി നാളായല്ലോ മലയാളം കൈകൊണ്ട് എഴുതിയിട്ട്.ഇപ്പോള് എല്ലാം കമ്പ്യൂട്ടര് അല്ലേ.പിന്നെ
കൈയ്യക്ഷരം ആണെങ്കില് അവന് എഴുതിയത് അവന് തന്നെ കുറച്ചു കഴിയുമ്പോള്വായിക്കാന്
പറ്റുന്നില്ല.
അങ്ങനെ
പ്ലാന് A പൊളിഞ്ഞപ്പോള് അവന്
പ്ലാന് B പ്രയോഗിക്കാന്
തീരുമാനിച്ചു.പ്ലാന് B സിംമ്പിള് ആയിരുന്നു.അവന്റെ കൂടെ വര്ക്ക് ചെയ്യുന്ന ,അവളുടെ കൂടെ പഠിച്ചവരെകൊണ്ടു അവനെ അവള്ക്ക് ഒന്നു പരിചയപ്പെടുത്തുക.പിന്നെ കഴിവുപോലെ.പക്ഷേ അതും അതിദാരുണമായി പരാജയപ്പെട്ടു.അവന്റെ കൂടെ സംസാരിക്കുന്നതു കണ്ടാല് അതുപിന്നെ ആരായിരുന്നാലും നാലു
കൊല്ലം കൂടെ പഠിച്ചവന് ആയാലും പിന്നെ അവള് കണ്ടാല് മിണ്ടില്ല എന്നിട്ടുവേണ്ടെ
ഒന്നു ചിരിക്കാനും പരിചയപ്പെടുത്താനും.
പ്ലാന്
B പൊളിഞ്ഞതോടുകൂടി അവന് ഒരു കടുത്ത
തീരുമാനമെടുത്തു.പ്ലാന് C എന്തായാലും ഇല്ല.ഇനി പതിനെട്ടമത്തെ അടവ് മാത്രം.ഇരുപത്തൊന്നാം നൂറ്റണ്ടില്ലേ ഇന്റര്നെറ്റ് ലോകത്തെ പതിനെട്ടമത്തെ അടവ്.അതേ നമ്മുടെ എല്ലാവരുടെയും മുഖപുസ്തകം .ഇക്കാലത്ത് ഫേസ്ബുക്ക് അക്കൌണ്ട് ഇല്ലാത്തവര്
ആരുംതന്നെ കാണില്ല.ബി ടെക് പഠിച്ചു
ഐടി മേഖലയില് വര്ക്ക് ചെയ്യുന്നവള് ആണെങ്കില് എന്തായാലും കാണും.ഒരു റിക്വെസ്റ്റ് കൊടുത്താല് കുറഞ്ഞപക്ഷം
ഇങ്ങനെ ഒരുത്തന് തന്നെ ശ്രദ്ധിക്കുന്നുണ്ട് എന്നവള്ക്ക് മനസിലാകും.അങ്ങനെ സക്കര്ബര്ഗ് പുണ്യാളനെ മനസില്
ധ്യാനിച്ചു അവളുടെ പേരോന്നു സെര്ച്ചി.ദാണ്ടെ കിടക്കുന്നു ആദ്യം തന്നെ.മ്യൂചുവല് ഫ്രെന്ഡ്സ് എന്ന ഒരു പരിപാടിയുടെ ഗുണമേ..സമ്മതിക്കണം.പ്രൊഫൈല് കണ്ടിട്ട് ഒരു പ്രേതഭവനം പോലെ.ആള് അടുത്തൊന്നും ഫേസ്ബുക്കില് കയറിയിട്ടില്ലഎന്നു തോന്നുന്നു.ദൈവമേ ഇക്കാലത്ത് ഇങ്ങനെയും പെമ്പിളേരോ,അത് അവന്റെ ആരാധന വര്ദ്ധിപ്പിച്ചു.ഫോട്ടോ ഇട്ടിട്ടില്ല.അതുകൊണ്ടു ഇതുതന്നെ പ്രൊഫൈല് എന്നുപറയാനോക്കുകേല. ഇന്യെന്ത് ചെയ്യും.അങ്ങനെ
കുറച്ചു ദിവസങ്ങള്ക്ക് ശേഷം അവന് ഫേസ് ബുക്കില് ഒരു ഫോട്ടോ കണ്ടു പിടിച്ചു.അവളുടെ കോളേജിലെ ഗ്രൂപ്പ് ഫോട്ടോ.അതില് നല്ല വൃത്തിയായി അവളുടെ ഫോട്ടോ അവളുടെ
പ്രൊഫൈലുമായി ടാഗ് ചെയ്തിരിക്കുന്നു.പിന്നെ ഒന്നും നോക്കിയില്ല..പടച്ചോനേ കാത്തോളീ എന്നു പറഞ്ഞു കണ്ണടച്ചുകൊണ്ടു ഒരു റിക്വെസ്റ്റ് അങ്ങ്
വിട്ടു.
ഉദ്യോഗജനകമായ
ദിവസങ്ങള്.എന്തും സംഭവിക്കാം.ഇഞ്ചോടിഞ്ച് പോരാട്ടം.അവളുടെ വക ചെരിപ്പൂരി അടി,അവളുടെ
തടിവച്ചു നോക്കുകയാണെങ്കില് അവള്ക്ക് അതേ തടിയുള്ള ആങ്ങളമാര് ഉണ്ടെങ്കില്
അവരുടെ
കൈയ്യില് നിന്നും ഫ്രീ ആയി ആശുപത്രിവാസം,പിന്നെ പത്രക്കാര് അറിഞ്ഞാല് "ഫേസ് ബുക്കിലെ പൂവാലമാഫിയ" എന്ന ലേബലില് പത്രത്തില് ഒരു ഫുള് സൈസ് പടം അങ്ങനെ ക്രിയേറ്റീവ്
ആയിട്ടുള്ള പലതിനും സ്കോപ് ഉണ്ട്.
