കഴിഞ്ഞ വെള്ളിയാഴ്ച ഓഫീസില്‍ ജേഴ്സി ഡേ ആയിരുന്നു.അതായത് ഫുട്ബാള്‍ ഫാന്‍സ് ആയ ജ്യോതിസിനും കൂട്ടര്‍ക്കും ലോകകപ്പ് പ്രമാണിച്ച് ഒന്ന് അടിച്ചു പൊളിക്കാന്‍ കിട്ടിയ അവസരം.അന്ന്‍ ആര്‍ക്ക് വേണമെങ്കിലും ജേഴ്സി ഇട്ടുകൊണ്ട് ഓഫീസില്‍ വരാം.
ഇനി അല്‍പ്പം ഫ്ലാഷ് ബാക്ക്.
തീറ്ററപ്പായിക്ക് ശേഷം ആര് എന്ന ചോദ്യത്തിന് ഉത്തരമായ വിശാന്തിന്‍റെ അടുത്ത കാബിനിലായിരുന്നു അടുത്തിടെ ജോയിന്‍ ചെയ്ത ജാക്കി ചാന് ഇരിക്കുന്നത്.അടുത്ത കാബിന്‍ എന്ന് പറഞ്ഞാല്‍ അടുത്ത നിരയിലുള്ള കാബിന്‍.രണ്ട് പേര്‍ക്കും പോകാനുള്ള വഴിയെല്ലാം രണ്ടാണ്.ജാക്കി ചാന് ഇരിക്കുന്ന നിരയില്‍ അധികം സംസാരമൊന്നും ഉണ്ടാകാറില്ല.കാരണം അവന്‍മാരെല്ലാം വരുന്നു പണിയെടുക്കുന്നു.പോകുന്നു അത്രമാത്രം.
പക്ഷേ വിശാന്തിന്‍റെ ഏരിയ ഒരു ഭയങ്കര ഏരിയ തന്നെയാണ്.എപ്പോഴും ചിരിയും കളിയും.പാര വെപ്പും കളിയാക്കലും.ഓരോ ചിരി അല്ലെങ്കില്‍ പാര കേള്‍ക്കുമ്പോഴും നമ്മുടെ ജാക്കി ചാന് രണ്ട് കൈയ്യും കസേരയുടെ കയ്യില്‍ താങ്ങി പൊന്തി നോക്കും.സത്യം പറഞ്ഞാല്‍ ജാക്കി ചാന് എന്ന പേര് കിട്ടാന്‍ തന്നെ കാരണം ഈ എത്തി നോട്ടമാണ്.
എന്നൊക്കെ എത്തി നോക്കിയിട്ടുണ്ടോ അന്നെല്ലാം വിശാന്തും വിശാന്തിന്‍റെ ഏരിയ മുഴുവനും ചേര്‍ന്ന് ജാക്കി ചാന് പണി കൊടുക്കാറുമുണ്ട്.അത് പിന്നെ അങ്ങിനെ ആണല്ലോ.പുറത്തുള്ള ഒരുത്തന്‍ വന്നാല്‍ ഒന്നിച്ചു നിന്ന് പണി കൊടുക്കണം.അങ്ങനെയുള്ള ഒരു വെള്ളിയാഴ്ചയാണ് നമ്മുടെ ജേഴ്സി ഡേ വന്നത്.ജാക്കി ചാന് ഒരു അര്‍ജെന്‍റീന ഫാന്‍ ആയത് കൊണ്ട് അവരുടെ ജേഴ്സി ഇട്ടുകൊണ്ടാണ് വന്നത്.
ഫുഡ് അടി മത്സരം മാത്രം കണ്ടും കേട്ടും ശീലിച്ചിട്ടുള്ള വിശാന്തിന് എന്ത് ഫുട്ബോള്‍ ലോകകപ്പ്?കണ്ടപാടെ ജാക്കി ചാനിട്ട് പണി തുടങ്ങി.എന്തുവാടേ ഇത് ?നീ ഇതിട്ടില്ലെങ്കില്‍ എന്താ ഇവര്‍ ജയിക്കില്ലേ?150 രൂപയുടെ ഒരു ജേഴ്സിയും ഇട്ടുകൊണ്ട് കാലത്തെ തന്നെ വന്നിരിക്കുന്നു.നാണമില്ലേടെ?
150 രൂ എന്ന് പറഞ്ഞു തന്നെ തരം താഴ്ത്തിയത് കേട്ട ജാക്കി ചാന് അളമുട്ടിയ ചേരയെപ്പോലെ തിരിഞ്ഞുകടിച്ചു.
അതെടോ ഞങ്ങളെല്ലാം 150 രൂപയുടെ ജേഴ്സി വാങ്ങി ജീവിച്ചു പൊക്കോട്ടെ.തനിക്കാണെങ്കില്‍ ജേഴ്സി വേണ്ടല്ലോ.ഇട്ടിരിക്കുന്ന ബനിയന്‍ ഊരിയാല്‍ നൈജീരിയക്കാര്‍ ജേഴ്സി ഇല്ലാതെ നില്‍ക്കുന്ന പോലെയല്ലേ.
അന്ന്‍ വിശാന്ത് ഒരു സത്യം മനസിലാക്കി.ആനയുടെ ശരീരമുള്ള തന്‍റെ നിറവും ആനയുടെതാണ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ